இந்த ஒரே ஆட்டத்தில் பல சாதனைகளுக்குச் சொந்தக்காரர் ஆகியிருக்கிறார், மெஸ்ஸி.!

1. மெஸ்ஸி இதுவரை உலக கோப்பையில் 17 வெற்றிகளை பெற்றுத் தந்துள்ளார். ஜெர்மனியின் ஜாம்பவான் மிரோஸ்லாவ் க்ளோஸ் 17 உலகக் கோப்பை போட்டிகளில் வெற்றி பெற்றுள்ளார். இதன் மூலம் இவர் சாதனையை சமன் செய்துள்ளார், மெஸ்ஸி.

2. நேற்றைய ஆட்டத்தில் ஆட்டநாயகன் விருது பெற்றார், மெஸ்ஸி. இந்த 2022 உலகக் கோப்பை தொடரில் மொத்தமாக 5 ஆட்ட நாயகன் விருதுகளை வென்றுள்ளார். இதற்கு முன் எந்த ஒரு வீரரும் ஒரே உலகக் கோப்பையில் ஐந்து ஆட்டநாயகன் விருதுகளை வென்றதில்லை.

3. மெஸ்ஸி, இதுவரை 26 உலகக் கோப்பை போட்டிகளில் விளையாடியுள்ளார். இதன் மூலம் ஜெர்மனியின் லோதர் மத்தாஸ் (25 ஆட்டங்கள்) சாதனையை முறியடித்து, உலகக் கோப்பையில் அதிக முறை விளையாடிய வீரர் என்ற சாதனையை படைத்துள்ளார்.

4. இத்தாலியின் ஜாம்பவான் பாலோ மால்டினி உலகக் கோப்பை வரலாற்றில் அதிக நிமிடங்கள் (2,217- நிமிடங்கள்) விளையாடிய வீரர் ஆவார். மெஸ்ஸி, இந்த சாதனையை முறியடித்து உலகக் கோப்பை வரலாற்றில் அதிக நிமிடங்கள் விளையாடிய வீரர் என்ற பெருமையை பெற்றுள்ளார்.

5. மெஸ்ஸி கடந்த 2014 உலகக் கோப்பையில் கோல்டன் பால் விருதை வெற்றி பெற்றார். இந்த 2022 உலகக் கோப்பையிலும் கோல்டன் பால் விருதை வென்றுள்ளார். உலகக் கோப்பைப் போட்டியில் சிறந்த ஆல்ரவுண்ட் வீரருக்கு கோல்டன் பால் வழங்கப்படுகிறது. இதன் மூலம் மெஸ்ஸி, உலகக் கோப்பையில் இரண்டு ‘கோல்டன் பால்’ வென்ற முதல் வீரர் என்ற சாதனையை படித்துள்ளார்.

6. நேற்று நடந்த இறுதிப் போட்டியில் மெஸ்ஸி இரண்டு கோல்களை அடித்தார். ஒரே உலகக் கோப்பையில் குரூப் பிரிவு, சுற்று 16, காலிறுதி, அரையிறுதி மற்றும் இறுதிப் போட்டிகள் என அனைத்து சுற்றுகளிலும் கோல் அடித்த முதல் வீரர் லியோனல் மெஸ்ஸி ஆவார். 

7. மெஸ்ஸி, இறுதிப் போட்டியின் 23 வது நிமிடத்திலும், 108 வது நிமிடத்திலும் கோல் அடித்து அசத்தினார். உலகக் கோப்பை போட்டிகளில் இதுவரை மெஸ்ஸி 13 கோல்களை அடித்துள்ளார். இதன் மூலம் பிரேசில் ஜாம்பவான் பீலே- வின் (12 கோல்கள்) சாதனையை முறியடித்துள்ளார்.

By Admin

Leave a Reply

You missed

15 வயது சிறுமி கூட்டுப்பாலியல் பலாத்காரம் – மாணவர்கள் உட்பட 7 பேர் கைது..!
————————————————————————

பதினைந்து வயது சிறுமியை (மாணவியை) கூட்டு பாலியல் பலாத்காரம் செய்ததாகக் கூறப்படும் வழக்கில், மாணவியின் காதலன் என்று கூறப்படும் பாடசாலை மாணவனோடு 5 பாடசாலை மாணவர்கள் உள்ளிட்ட 7 பேரை ஹோமாகம பொலிஸார் கைது செய்துள்ளனர்.

இந்நிலையில், பாதிக்கப்பட்ட மாணவியின் பெற்றோர், மாணவியுடன் பொலிஸ் நிலையத்திற்கு சென்று வழங்கிய முறைப்பாட்டுக்கு அமைவாக பொலிஸார் சந்தேக நபர்களை கைது செய்தனர்.

பாதிக்கப்பட்ட பாடசாலை மாணவி ஹோமாகம ஆதார வைத்தியசாலையில் அனுமதிக்கப்பட்டு மருத்துவ பரிசோதனைக்கு உட்படுத்தப்பட்டதாக பொலிஸார் தெரிவித்தனர்.

மேற்படி மாணவி, டியூஷன் வகுப்பில் கலந்துகொள்வதாகக் கூறிவிட்டு, தனது காதலனான பாடசாலை மாணவனை சந்திக்கச் சென்றுள்ளார்.

அப்போது, சந்தேக நபரின் காதலன் என்று கூறிக்கொண்ட மாணவன், தனது நண்பர் ஒருவர் வசித்து வந்த ஹோமாகம பகுதியில் உள்ள ஒரு வீட்டிற்கு குறித்த மாணவியை அழைத்துச் சென்று, அங்கு பாலியல் வன்கொடுமை செய்துள்ளார்.

அதன்படி, விசாரணையில் பாதிக்கப்பட்ட மாணவி காலை 9 மணி முதல் பிற்பகல் 3 மணி வரையிலான ஆறு மணி நேரத்திற்குள் வேறு மூன்று வீடுகளுக்கு அழைத்துச் செல்லப்பட்டு, சந்தேகத்திற்குரிய பாடசாலை மாணவனான காதலன் மற்றும் அவரது நண்பர்களால் கடுமையான பாலியல் துஷ்பிரயோகத்திற்கு உட்படுத்தப்பட்டதாக தெரியவந்ததாக பொலிஸார் தெரிவித்தனர்.

கைது செய்யப்பட்டவர்கள் ஹோமாகம பகுதியைச் சேர்ந்த, அதே பகுதியில் உள்ள பாடசாலைகளில் கல்வி கற்கும் மாணவர்கள் ஆவர்.

கைதானவர்களில் ஐந்து பேர் 15 முதல் 16 வயதுக்குட்பட்ட பாடசாலை மாணவர்கள், மற்ற இருவர் 17 முதல் 19 வயதுக்குட்பட்டவர்கள் என்று பொலிஸார் தெரிவித்தனர்.

சந்தேக நபர்கள் பாடசாலை மாணவியை ஏற்றிச் செல்ல பயன்படுத்திய மோட்டார் சைக்கிளும் பறிமுதல் செய்யப்பட்டுள்ளது.

கைது செய்யப்பட்ட 7 சந்தேக நபர்களும் இன்று ஹோமாகம நீதவான் நீதிமன்றத்தில் ஆஜர்படுத்தப்பட உள்ளனர்.