இன்று 07.05.2024 பாடசாலை மாணவர்களுக்கு துவிச்சக்கர வண்டி வழங்கும் நிகழ்வானது,
திருகோணமலை மாவட்ட செயலகத்தில், சிறுவர் அபிவிருத்தி நிதியத்தின் ஏற்பாட்டில் நடைபெற்றது.
இலங்கை சிறுவர் நிதியத்திற்கு, ஜப்பான் சிறுவர் நிதியத்தினால் வழங்கப்பட்ட துவிச்சக்கரவண்டிகள், சிறுவர் நிதியத்தின் பங்காளர்கள் ஊடாக மாணவர்களுக்கு வழங்கிவைக்கப்படுகின்றன. அந்தவகையில் திருகோணமலை மாவட்டத்தில் சிறுவர் அபிவிருத்தி நிதியத்தின் ஊடாக துவிச்சக்கரவண்டி வழங்கும் நிகழ்வு இன்று இடம்பெற்றது.
சிறுவர் நிதியத்தின் பிரதம நிறைவேற்று அதிகாரி அரியரட்ணம் தலைமையில் இன்று காலை 9 மணியளவில் இடம்பெற்றது.
இந்நிகழ்வில் திருகோணமலை மாவட்ட செயலாளர், மாவட்ட செயலக ஊழியர்கள், மாகாண கல்வி திணைக்கள அதிகாரிகள், திருகோணமலை மற்றும் திருகோணமலை வடக்கு கல்வி வலய அதிகாரிகள் அதிபர்கள் மற்றும் பெற்றோர்கள் கலந்து சிறப்பித்தனர்.