AHRC நிறுவனத்தினால் குச்சவெளி தென்னமரவடி கிராமத்தில் வாழும் மக்களின் இருப்பை நிலைநிறுத்தும் முகமாக அங்கு மீன்பிடியில் ஈடுபடும் 12 மீனவ குடும்பங்களுக்கு (ஆண், பெண்) 27 இலட்சம் பெறுமதியான மீன்பிடி உபகரணங்கள் 05.09.2023 அன்று வழங்கி வைக்கப்பட்டன. இதன் பயனாக அவர்கள் நாளாந்த வருமானத்தை ஈட்டி வருகின்றார்கள்.
அத்துடன் நீர் நிலைகளைத் தாண்டி விவசாயத்தில் ஈடுபடுகின்றவர்களும் தங்களுடைய நெல் மூடைகளை படகின் மூலம் இலகுவாக கொண்டு வரக்கூடியதாகவும் உள்ளது. இதன்மூலம் அவர்கள் பெருமளவான பயனை அடைந்து வருவதை இன்று (14.02.2024) எமது களப் பயணத்தினூடாக அறிய முடிந்தது.
மேலும் தென்னமரவடி கிராமத்தில் இருந்து இடம்பெயர்ந்து சென்று வெளி மாவட்டங்களில் வாழும் மக்கள் மீள தங்கள் கிராத்தில் நிரந்தரமாக வாழ முயற்சிப்பார்களாக இருந்தால் அவர்களின் வாழ்வாதாரத்திற்கும் இருப்பிற்கும் தேவையான இயன்ற உதவிகளை வழங்க AHRC நிறுவனம் தயாராக இருக்கின்றது.
