தி/ அந் – நூரியா கனிஷ்ட பாடசாலையின் மாணவர்கள் குடிப்பதற்கோ அல்லது மலசல கூடத்தை பாவிப்பதற்கோ நீர் இல்லால் சுமார் 12 நாட்களாக இருந்துள்ளனர்.

இது போன்ற நீர் பிரச்சினை அடிக்கடி அப் பாடசாலைக்கு ஏற்படுவதுண்டு. இதை அவதானித்த அப்பாடசாலை பிள்ளைகளின் பெற்றோர்கள் KVC இன் ஊடகவியலாளரைத் தொடர்பு கொண்டு இப்பிரச்சினைகள் தொடர்பாக தெரிவித்தனர்.

உடனடியாக அவ்விடத்திற்குச் சென்ற KVC இன் ஊடகவியலாளரான A. A. றிஸ்மின் குச்சவெளி பிரதேச சபையின் செயலாளர் திரு. வெ. இராஜசேகர் அவர்களை தொடர்புகொண்டு பாடசாலையின் பிரச்சினைகள் பற்றி கூறிய போது துரிதமாக அவ்விடத்திற்கே வந்து நேரடியாக அதனைப் பார்வையிட்டு தற்காலிகத் தீர்வாக உடனடியாக அவ்விடத்திற்கு பிளாஸ்டிக் நீர் தாங்கி ஒன்றினைப் பெற்றுத் தருவதுடன் அந்த தாங்கியில் தினந்தோறும் பிரதேச சபையின் நீர் நிரப்பும் வாகனம் அவ்விடத்திற்கே வந்து நீர் நிரப்பப்படும் எனவும் கூறினார்.

குச்சவெளி பிரதேச சபையின் செயலாளர் திரு.வெ.இராஜசேகர் அவர்களுக்கு பெற்றோர்கள், ஆசிரியர்ள் மற்றும் KVC Media சார்பாகவும் நன்றியைத் தெரிவித்துக்கொள்கின்றோம்.

A. A. றிஸ்மின்

Leave a Reply

You missed

15 வயது சிறுமி கூட்டுப்பாலியல் பலாத்காரம் – மாணவர்கள் உட்பட 7 பேர் கைது..!
————————————————————————

பதினைந்து வயது சிறுமியை (மாணவியை) கூட்டு பாலியல் பலாத்காரம் செய்ததாகக் கூறப்படும் வழக்கில், மாணவியின் காதலன் என்று கூறப்படும் பாடசாலை மாணவனோடு 5 பாடசாலை மாணவர்கள் உள்ளிட்ட 7 பேரை ஹோமாகம பொலிஸார் கைது செய்துள்ளனர்.

இந்நிலையில், பாதிக்கப்பட்ட மாணவியின் பெற்றோர், மாணவியுடன் பொலிஸ் நிலையத்திற்கு சென்று வழங்கிய முறைப்பாட்டுக்கு அமைவாக பொலிஸார் சந்தேக நபர்களை கைது செய்தனர்.

பாதிக்கப்பட்ட பாடசாலை மாணவி ஹோமாகம ஆதார வைத்தியசாலையில் அனுமதிக்கப்பட்டு மருத்துவ பரிசோதனைக்கு உட்படுத்தப்பட்டதாக பொலிஸார் தெரிவித்தனர்.

மேற்படி மாணவி, டியூஷன் வகுப்பில் கலந்துகொள்வதாகக் கூறிவிட்டு, தனது காதலனான பாடசாலை மாணவனை சந்திக்கச் சென்றுள்ளார்.

அப்போது, சந்தேக நபரின் காதலன் என்று கூறிக்கொண்ட மாணவன், தனது நண்பர் ஒருவர் வசித்து வந்த ஹோமாகம பகுதியில் உள்ள ஒரு வீட்டிற்கு குறித்த மாணவியை அழைத்துச் சென்று, அங்கு பாலியல் வன்கொடுமை செய்துள்ளார்.

அதன்படி, விசாரணையில் பாதிக்கப்பட்ட மாணவி காலை 9 மணி முதல் பிற்பகல் 3 மணி வரையிலான ஆறு மணி நேரத்திற்குள் வேறு மூன்று வீடுகளுக்கு அழைத்துச் செல்லப்பட்டு, சந்தேகத்திற்குரிய பாடசாலை மாணவனான காதலன் மற்றும் அவரது நண்பர்களால் கடுமையான பாலியல் துஷ்பிரயோகத்திற்கு உட்படுத்தப்பட்டதாக தெரியவந்ததாக பொலிஸார் தெரிவித்தனர்.

கைது செய்யப்பட்டவர்கள் ஹோமாகம பகுதியைச் சேர்ந்த, அதே பகுதியில் உள்ள பாடசாலைகளில் கல்வி கற்கும் மாணவர்கள் ஆவர்.

கைதானவர்களில் ஐந்து பேர் 15 முதல் 16 வயதுக்குட்பட்ட பாடசாலை மாணவர்கள், மற்ற இருவர் 17 முதல் 19 வயதுக்குட்பட்டவர்கள் என்று பொலிஸார் தெரிவித்தனர்.

சந்தேக நபர்கள் பாடசாலை மாணவியை ஏற்றிச் செல்ல பயன்படுத்திய மோட்டார் சைக்கிளும் பறிமுதல் செய்யப்பட்டுள்ளது.

கைது செய்யப்பட்ட 7 சந்தேக நபர்களும் இன்று ஹோமாகம நீதவான் நீதிமன்றத்தில் ஆஜர்படுத்தப்பட உள்ளனர்.