ஜெர்மன் நாட்டின் முன்னணி விமானச் சேவை நிறுவனமான Lufthansa கொரோனா காரணமாக அதிகளவிலான வர்த்தகத்தை இழந்து நிற்கிறது. இதுமட்டும் அல்லாமல் அடுத்த 1 வருடத்திற்கு விமானப் போக்குவரத்துத் துறை மீண்டு வராது என்கிற இக்கட்டான சூழ்நிலையில் சிக்கிக்கொண்டுள்ளது சர்வதேச விமானப் போக்குவரத்து.
இதன் எதிரொலியாக இன்று Lufthansa நிறுவனம் வெளியிட்டுள்ள அறிவிப்பில், விமானப் போக்குவரத்துத் துறையில் வளர்ச்சி குறைவாக இருக்கும் எனக் கணிப்பு இருப்பதால், செலவுகளைக் குறைக்க நிறுவனத்தில் இருந்து 22,000 ஊழியர்களைப் பணிநீக்கம் செய்வதாக அறிவித்துள்ளது.