இன்றைய டிஜிட்டல் உலகில் பணம் படைத்தவர்கள் தான் அதிகம் கிரிப்டோகரன்சியை பயன்படுத்தி வருவதாக ஒரு பேச்சு இருந்து வருகிறது. இந்நிலையில் கிரிப்டோ கரன்சியை இந்தியாவில் 10 கோடிக்கும் மேற்பட்டவர்கள் வைத்துள்ளதாக ஒரு தகவல் வெளியாகி உள்ளது. இதனை BrokerChooser என்ற முதலீடு சார்ந்த ஆலோசனைகளை வழங்கும் நிறுவனம் தெரிவித்துள்ளது.

உலகளவில் இந்தியா அதிக கிரிப்டோகரன்சி உரிமையாளர்களை கொண்டுள்ளதாக அந்நிறுவனம் தெரிவித்துள்ளது. அதோடு இந்தியாவின் மொத்த மக்கள் தொகையில் 7.3 சதவிகிதம் பேர் கிரிப்டோகரன்சியை கொண்டுள்ளதாகவும் தெரிவித்துள்ளது.

இந்தியாவுக்கு அடுத்ததாக அமெரிக்கா மற்றும் ரஷ்யா அதிகளவிலான கிரிப்டோகரன்சி முதலீட்டாளர்களை கொண்டுள்ளதாகவும் தெரிவிக்கப்பட்டுள்ளது. 

அதென்ன கிரிப்டோகரன்சி?

“கணினியில் உள்ள மென்பொருளை பயன்படுத்தி, அல்காரிதம் மூலமாக கணக்குகளை என்க்ரிப்ட் செய்து, சில பிரோக்ராம்கள் வடிவமைத்து, இதை உருவாக்குவதால் கிரிப்டோ கரன்சினு பெயர் வந்திருக்கு.

ரூபாய், டாலர், யூரோ என வெவ்வேறு நாடுகளின் கரன்சிகளை அடையாளப்படுத்துவது போல பிட் காயின், நேம் காயின், ஸ்விப்ட் காயின் என பல்வேறு பெயர்களில் கிரிப்டோ கரன்சிகள் வெளியாகி வருகின்றன. கம்யூட்டர் புரோக்ராமிக்கிங் சாப்ட்வேர் நன்கு தெரிந்த யார் வேண்டுமானாலும் கிரிப்டோ கரன்சிகளை உருவாக்கலாம். கிரிப்டோ கரன்சி வாங்க எண்ணுபவர்கள் அதற்கென உள்ள ஏஜென்சிகள் மூலமாகவும், டிஜிட்டல் வாலட்கள் மூலமாகவும், தெரிந்தவர்கள் மூலமாகவும் கிரிப்டோ கரன்சிகளை வாங்கலாம். 

நம்மிடம் உள்ள மணி பர்ஸ் போல இணைய உதவியோடு இயங்கும் கிரிப்டோ கரன்சிக்கு என பிரத்யேகமாக ஒரு இ – வாலட் உள்ளது. அதனை பயனப்டுத்தி பிட் காயின், நேம் காயின் மாதிரியான கிரிப்டோ கரன்சிகளை வாங்கிக் கொள்ளலாம். அதேபோல நமக்கு கிரிப்டோ கரன்சிகள் வேண்டுமென்ற போது அதை இணையத்திலேயே விற்பனையும் செய்துவிடலாம். இந்த கரன்சிகளை வாங்க ஒரு வங்கி கணக்கு மட்டுமே தேவைப்படுகிறது. அது உலகின் எந்த பகுதியில் யார் பெயரில் வேண்டுமானாலும் இருக்கலாம்” என விளக்கம் கொடுத்துள்ளார் நிதித்துறை ஆலோசகர் தமிழ்வாணன்.

By Admin

Leave a Reply

You missed

PTA – பயங்கரவாத தடைச் சட்டத்ததை நீக்கும் முயற்சி | வாக்குறுதியை நிறைவேற்ற அரசு திட்டம்..!
——————————————-
பயங்கரவாதத் தடுப்புச் சட்டத்தை (PTA) ரத்து செய்வது குறித்து ஆராய்வதற்காக ஒரு குழுவை நியமிப்பதற்கான அமைச்சரவைப் பத்திரம் சமர்ப்பிக்கப்பட்டுள்ளதாக பிரதமர் ஹரிணி அமரசூரிய இன்று புதன்கிழமை (09) பாராளுமன்றத்தில் தெரிவித்தார்.

பாராளுமன்ற உறுப்பினர் இராசமாணிக்கம் சாணக்கியன் எழுப்பிய கேள்விக்குப் பதிலளித்த அவர், பயங்கரவாதத் தடுப்புச் சட்டத்தை ரத்து செய்வது மற்றும் புதிய சட்டத்தை உருவாக்குவது குறித்து அரசாங்கம் ஒரு பரந்த ஆலோசனையை மேற்கொள்ளும் என்றார்.

டிரம்பின் அறிவிப்பால் 43,500 கோடி ரூபாவை இழந்த கொழும்பு பங்குச் சந்தை!
——————————————————————–
அமெரிக்க ஜனாதிபதி டொனால்ட் ட்ரம்ப் கடந்த ஏப்ரல் 02 ஆம் திகதி அறிமுகப்படுத்திய புதிய இறக்குமதி வரி கொள்கைகள், தற்போது உலகளாவிய பொருளாதார நெருக்கடியை உருவாக்கும் அளவிற்கு பாதிப்பை ஏற்படுத்தியுள்ளது.

இதன் காரணமாக, உலகம் முழுவதும் பல பங்கு சந்தைகள் பெரும் சரிவை சந்தித்துள்ள நிலையில், ஆசியாவில் உள்ள பல பங்கு சந்தைகளும் இதனால் கடுமையான பாதிப்பிற்கு உள்ளாகியுள்ளன.

நிலவும் சூழலில், இலங்கையின் ஒரே பங்கு சந்தையான கொழும்பு பங்கு சந்தையும் ஜனாதிபதி ட்ரம்பின் இந்த முடிவின் பலியாக மாறியுள்ளது. இந்த முடிவு அறிவிக்கப்பட்டதைத் தொடர்ந்து, தொடர்ச்சியாக மூன்று வர்த்தக நாட்களாக கொழும்பு பங்குச் சந்தை பெரும் சரிவை சந்திக்க நேர்ந்துள்ளது.

கடந்த ஏப்ரல் 02 ஆம் திகதி வர்த்தக முடிவில் கொழும்பு பங்கு சந்தையின் அனைத்து பங்கு விலைச் சுட்டெண் 16,007.44 புள்ளிகளாக பதிவாகியிருந்த நிலையில், நேற்றைய (07) வர்த்தக முடிவில் அது 14,660.45 புள்ளிகளாக பெரும் சரிவை பதிவு செய்துள்ளது. அதாவது, இந்த மூன்று வர்த்தக நாட்களில் மட்டும் 1,346.99 புள்ளிகள், அல்லது 8.41% சதவீதம் கொழும்பு பங்கு சந்தை சரிந்துள்ளது.

இதற்கிடையில், ஏப்ரல் 02 ஆம் திகதி வரை 5,688.56 பில்லியன் ரூபாயாக பதிவாகியிருந்த கொழும்பு பங்கு சந்தையின் மொத்தப் புரள்வு, நேற்றைய நிலவரப்படி 5,253.18 பில்லியன் ரூபாயாக குறைந்துள்ளது. இந்த மூன்று நாட்களில் மட்டும் 435.37 பில்லியன் ரூபாய், அதாவது 43,537 கோடி ரூபாய், கொழும்பு பங்கு சந்தையிலிருந்து இழக்கப்பட்டுள்ளது.

இதில், நேற்று ஒரு நாளில் மட்டும் பங்கு சந்தையில் இழந்த மதிப்பு 227 பில்லியன் ரூபாயாகும்.

இது ஒரு பொருளாதார நெருக்கடியை உருவாக்கும் அளவிற்கு பாதிப்பை ஏற்படுத்தியுள்ளதாக தெரிவிக்கப்படுகிறது.

இஸ்ரேலுக்கு எதிராக ஸ்டிக்கர் ஒட்டியமைக்காக கைது செய்யப்பட்ட ருஷ்தி சற்றுமுன் விடுதலை..!

கைது செய்த TID அத்தனகல்ல நீதிமன்றில் முன்னிலைப்படுத்தி விடுதலை செய்தது..

இஸ்ரேலுக்கு எதிராக ஸ்டிக்கர் ஒட்டிய குற்றத்தில் கைது செய்யப்பட்டு மேலதிக விசாரணைகளுக்காக தீவிரவாத தடுப்பு சட்டத்தில்  தடுத்து வைக்கப்பட்ட மொஹமட் ருஷ்டி சற்றுமுன் விடுதலை செய்யப்பட்டதாக அவரின் சகோதரர் மடவளை நியுசுக்கு குறிப்பிட்டார்.

கொழும்பில் கடந்த 22 ம் திகதி வணிக வர்த்தக வளாகத்தில் கைது செய்யப்பட அவரை பயங்கரவாத தடுப்பு பிரிவு அத்தனகல்ல நீதிமன்றில் முன்னிலைப்படுத்தி விடுதலை செய்ததாக அவர் மேலும் குறிப்பிட்டார்.


தனது சகோதரின் நியாயமற்ற தடுத்துவைப்புக்கு எதிராக   குரல் கொடுத்த மற்றும் பணியாற்றிய அனைத்து தரப்புக்கும் தான் நன்றி கூறுவதாக குறிப்பிட்டார்.